يا عينى لما تموت الرجولة فى الرجال
و يهدهم تِرحال ورا تِرحال
همّ الحياة فيهم سجان بل أغلال
كل اللى فى أيديهم
يرموه فى حجر العيال
القهر ماليهم , و الهم فى عينيهم
مليون سؤال وسؤال
العمر قدامهم
شائك كما الأدغال
و لا بشرى بتطمن
ولا فضار يتشال
يا عينى لما تموت الرجال فى الرجال
و يا عينى لما يموت الصبى بالخيال
يحلم يكون طيار , يطلع يكون طبال
و يشخلل الشخاليل
على ضخكه بأستهبال
و يرتمى عالأرض , و على النقوط ينقض
زمن المعانى انفض , بارت عطايا الأرض
و اتمردغت أوحال
يحلم يكون عالم , يصبح شريد عائم
و لا دارى ولا فاهم , لا ملاك و لا ظالم
لا سميع و لا صامم
شيله بلا شيال
و يا عينى لما الصبى
يصبح خيال تمثال
لون طلتة مركبى
للذل و الأهوال
و يا عينى لما تموت الرجال فى الرجال
المشاركات
حسبي الله ونعمه الوكيل
ردحذففي كل من ضيع بلدنا وخلاها مغتصبه من الطغاة
حسبي الله ونعمه الوكيل
في من استباح كرامتنا وعزتنا وأهنا في كل مكان