يعنى يقولك إن من أهم انجازات عصر ما بعد الثورة هى مجانية التعليم.....و أى أسرة فى مصر بتبيع اللى وراها و اللى قدامها علشان الدروس الخصوصية!!!!
يعنى يعملوا مؤتمر سنوى لأنجازات الحزب الوطنى ......و الناس كلها عارفة إن مؤسسة رسالة هى اللى فاتحة بيوت غالبية الشعب!!!!
يعنى واحد محترم زى عمرو خالد قادر على التأثير فى الشباب إجابيا ..نحاربه و نطرده برة مصر...... و نفرض حراسة مشددة لحماية منزل السفير الأسرائيلى!!!!!!
يعنى أبويا يسافر و يتغرب و يوفر شقة لولاده من فلوسه محدش دفعله فيها حاجة و يجى بطرس غالى يفرض عليها ضريبة عقارية.!!!!!!!!
يعنى حسنى مبارك يعمل سور لقتل أطفال غزه ...... ويطلع واحد يقولك البرادعى عميل لاسرائيل
يعنى وزير مالية عمل قانون الضرائب العقارية وقال هيدفع عن القصور بتاعته ويطلع يتعالج على نفقة الدولة بمليون جنية!!!!!
يعنى وزير صحة شريك فى كبرى مستشفيات البلد (دار الفؤاد) ومراته تتعالج على نفقة الدولة !!!!
يعنى ناس غلابة و مش لاقين حتى الزلط وعضو مجاس الشعب يطلب منهم ثلث قيمة قرار العلاج على نفقة الدولة رشوة عشان يتعلجوا على نفقة الدولة!!!
يعني ندي الغاز لإسرائيل مدعم لعشرين سنه جايه ............... و المصريين مش لاقيين أنبوبه بوتاجاز!!!!
يعني وزير الإسكان يبقي سمسار أراضي !
ووزير التعليم يبقي بلطجي قديم !
ووزير الصحه بيتعالج علي نفقة الدوله !
يعنى جمال مبارك يسرق فلوسنا وارضنا ويوزعها على اصحابه
و ييجى واحد يقولك اللى تعرفو احسن من اللى ما تعرفوش
يعنى كولا زيرو
و غاز زيرو
و مرتبات زيرو
و ضمير زيرو
تنمية زيرو
و انتخابات زيرو
و صحة زيرو
و دقيق زيرو
يعنى تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لأنعدام الامن فى جنوب أفريقيا و عدم و جود بنية تحتية فى المغرب و فجأة تاخد صفر كبييير من لجنة الفيفا!!!
يعنى يطلع واحد فى التلفزيون يقولك آه البرادعى ...عارفه عارفه دا حمدى غيث بتاع انا البرادعى يا رشدى......... و يبقى تامر حسنى و شعر صدرة من علامات الرجولة و لا حول و لا قوة الإ بالله!!!!
يعنى يبقى عندك ثلث أثار العالم فى مدينة واحدة وهى الأقصر و تلاقى دولة زى تونس عدد السائحين فيها أكتر من عندك!!!
يعني تترشح في الانتخابات عن فئة (العمال) وتنجح فتعيش عيشة (الملوك)!!!.
يعنى إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه مخيش في قطر تاني!!!!.
يعنى تبقى الدول العربيه اللى مكانش حد يسمع عنها زى دبى وقطر والبحرين كلها نظام ونضافه------ وإحنا اللى كنا بنعلمهم من 30 سنه يكون عندنا الزبالة وعدم النظام في كل مكان ورئيس الوزراء بيقول إن وجود الزبالة بالكثرة دي بيدل على الغنى الي عايش فية الشعب المصري!!!!
يعني تبقة نسبة التحرش الجنسي بالفتيات في الشارع المصري والمواصلات العامة فوق 80% .....والحكومة تطالب بخلع النقاب !!!!
يعني لما الشعب ما يلاقيش سكن ويروح يسكن في الجبل ويقع علية يقولوا عشوائيات!!!
يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 واحد منهم يموتوا .... يطلع التحقيق إنهم ماتوا بنزلة برد عشان لما غرقوا ماكنوش عاملين حسابهم وماتقلوش هدومهم!!!
يعنى قناة ال BBC فيها مذيعات محجبات و تلفزيون بلد الأزهر بيمنع ظهور المذيعات المحجبات!!!!!!!!!!!
يعني مصانع الحديد كانت بتبيع الطن ب2000 جنية ويجي بقدرة قادر احمد عز محتكر الحديد يبيعه ب8000 جنية ........ وكمان تيجي الحكومة تعمله قانون تفصيل مخصوص لية عشان تحمية من بطش الناس!!!!
يعني يبقي اليهود نهبوا فلوس العالم عشان الهولوكوست الوهمي ....... ويتباهو بقتل أسرانا في تليفزيونهم ومحدش يقولهم حاجه !!!!!
يعني يعملوا قانون ضرائب جديد على العقارات ....... والشعب الي مش ناوي يدفع يموت نفسة عشان يجيب الاقرار ويتباع في السوق السودا كمان!!!!!
لما وزير التربية والتعليم المسئول عن تخريب الثانوية العامة وتعديلها اكتر من مرة خلال 4 سنوات والغاء سنة 6 من الابتدائي ..... يكون رئيس مجلس الشعب وممكن رئيس جمهورية كمان في حالة وفاة الرئيس!!!!
يعني قطرين بخيشو في بعض والي يتحاسب الكومسري وفي حادث آخر البقرة الي كانت واقفة على القضبان!!!
يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين ووزير المالية وزوجة وزير الصحة بيتعالجوا بالملايين على نفقة الدولة!!!
يعني تبقي عندك بحرين و نيل قناة السويس و11 بحيره وبتستورد السمك من بره !!!!
يعني ربنا يكرمك وتكون رجل أعمال ولا سيدة اعمال وتاخد 2.800 مليار جنية مصري من 10 سنين وترد نصهم بالتقسيط بعد 10 سنين يعني المبلغ بيكون أضاعف معاك تلات أربع مرات وتكون برئ قدام الحكومة وكمان تنزل انتخابات مجلس الشعب وتنجح!!!!
يعني يتحرق مجلس الشورى والشعب بدعي ربنا ان النواب يكونوا جواه ساعة الحريق!!!!
لما إعلام الحكومة والخاص مش همة الشعب اللي مش لاقي ياكل ولا يلبس ولا يسكن وطبعا بدون عمل ...... وهمة كلة يعرف مين قتل سوزان تميم والمحكمة هتحكم باية في قضية مرتضى منصور وشوبير !!!
لما الدايرة الي فيها 2500 صوت مرشح للحزب الوطني وياخد لواحدة الـ 13000 صوت كلهم لوحدة!!!
يعنى لما يكون المزارع مش عارف يزرع أرضه بالقمح علشان نحتاج لأمريكا ------- ولما يزرعه ياخدوه أرخص من المستورد 3 مرات!!!!
لما يمنعونا من زراعة القطن الي بنتميز بية وبعد كده يروحو يبيعوا مصانع الغزل والنسيج لمستثمرين يهود ويسرحوا العمالة ويقطعوا الشركات ويبعوها أراضي على النيل!!!
يعني الحكومة عليها ديون داخلية وخارجية تبلغ 991 مليار جنية يعني نصيب كل فرد في مصر سواء طفل او بالغ او رجل او امرأة 13 الف جنية ويتسرق من الموازنة 1272 مليار جنية ومحدش عارف راحوا فى جيب مين!!!!
يعني من الاخر كده الولا عمر ابني مديون بـ 13 الف جنية
ما تيجوا نلم ديون مصر
يعني كلنا خايفين علي مستقبل مصر
واللي ماسكينها خايفين علي مستقبلهم هما
لما يكون الملاك فى الرحاب بتدفع 12 جنيه على المتر مسطح بدل فرق الصيانه ------- يقوم الباشا هشام طلعت يدى سوزان 50 مليون من جيب أمه!!!!
يعنى لما تكون أقصى سرعه للسيارة 20 كيلو فى الساعه علشان الطرق متنيله بستين نيله والبلاعات طالعه فى وسط الشوارع وغالبا مفتوحه -------- يطلعوا لنا بقانون حزام الأمان والصندوق الطبى علشان أبو مراة الننوس يبيع ويغتنى من دمنا!!!
لما الموظف فى الحكومة بياخد مرتب 150 ولو عدى يوصل لـ 500 ويقولك مش عارف يعيش علشان الزيادة السكانية!!!!
لما يكون عندنا مجلس قومى للمرأة و أعلى معدلات طلاق فى الوطن العربى!!!!
لما يكون عندنا مجلس قومى لحقوق الانسان و أعلى معدلات إعتقالات و تعذيب فى أقسام الشرطة وأمن الدولة.....
لما وزير الإسكان الحرامى يبيع ملايين الامتار ببلاش للمستثمرين مخالفة لقوانين الدوله ------- ويبيعوا لنا المتر ب 3000 جنيه فى القاهره الجديده!!!!
و لما وزير الاسكان يقول لو مخصصتش الآراضى للعائلة أمال هخصص لمين ,,,يبقى اللى اختشوا ماتوا!!!!
و لما بيصرفوا ملايين الجنيهات على المهرجانات و المؤتمرات كل سنة و أول ما يحصل كارثة - كالزلزال او السيول - يقولك اتبرع للضحايا!!!!!
يعنى لما شعار الكرة اللى موجودة على مستشفى 5757 تزيد تكلفتها عن 3 مليون جنية والناس مش لاقية شاش ولا قطن فى المستشفيات !!!!
لما طلعت السادات قال بقينا على الهوا تترفع عنه الحصانة و يتسجن فى أقل من شهر... و ممدوح اسماعيل صاحب العبارة يسافر من صالة كبار الزوار!!!!!
يعنى تيجى تشترى شقه فى إسكان مبارك لمحدودى الدخل تحسبها تلائها واقفه عليك بسعر السوبر لوكس!!!!
يعنى لما يعطوا لطفل عمرة 11 سنة وحافظ القرآن الكريم وأحاديث الرسول بالكامل ومعاة إجازات فى القرآن الكريم مكافآه 100 جنية وياخد لاعبى المنتخب مليون جنية لكل جون وتاخد هيفا وهبى 60 الف دولار فى الساعة !!!!
لما الرئيس يحتفل بليلة القدر و يوزع جوائز على حفظة القرآن الكريم.... و لما الاخوان يجيوا يعملوا حاجة ايجابية - زى مشاريع خيرية او حتى يوزعوا شنط رمضان - يعتقلوهم و يقولوا لا للدولة الدينية!!!!!!
و لما تتهد على اهلها يطلعوا يقولوا هما اللى غلط دول عشوائيات.... و كنتى فين يا حكومة على رأى معتز الدمرداش؟؟؟؟!!!!!!
و لما يعملوا قانون مرور جديد..... و ضحايا حوادث الطرق سنويا أعلى من نسبة اللى ماتوا فى حرب اكتوبر!!!!
المشاركات
ليست هناك تعليقات:
إرسال تعليق